ஆடு, கோழியை உண்போம் - தாவரங்களைப் பாதுகாப்போம்! GO GREEN

 எது சைவம்? எது அசைவம்? இதிலேயே நிறைய குழப்பங்கள் இருக்கு. நாம் இதுவரைக்கும் நம்பிக்கொண்டிருப்பது வலியை உணரும் அனைத்து உயிரினங்களும் அசைவம் - அவற்றைக் கொல்லக்கூடாது, அது பாவம்! உதாரணம் கோழி, ஆடு, மாடு, மனிதன்.  வலியை உணராத, சத்தம் போடத்தெரியாத தாவரங்கள் அனைத்தும் சைவம். அவைகளை மட்டுமே நாம் சாப்பிட வேண்டும். சரியா?

 இப்போ நான் கேட்கும் கேள்வி என்னவென்றால் கோழியைக் கொல்வது பாவம், நெல் நாற்றைக் கொல்வது பாவமில்லையா? எப்படி உயிரினங்களில் ஒன்றைக் கொல்வது பாவமாகவும், இன்னொன்றைக் கொல்வது பாவமில்லாமலும் போகும்?

 தாவரங்களுக்கும் உணர்வுண்டு. என்ன நம்மைப்போல் அவை சத்தம்போட்டு கத்துவதில்லை. அவ்வளவுதான். தாவரங்களைக் கொள்வதும் கொலைதானே? எந்த உயினத்தைக் கொன்றாலும் கொலை கொலைதானே?

 ஆயிரம் நெல் உயிரைக் கொலை செய்து ஒருவேளை உணவு உண்ணுகிறோம், ஆனால் ஒரு கோழியின் உயிர் மூன்று வேளை உணவாய் இருக்குமே? ஒரு உயிர் முக்கியமா? ஆயிரம் உயிர் முக்கியமா?

 ஒரு கோழிமுட்டையிலிருந்து ஒரு வருடத்தில் எத்தனை உயிர்கள் தோன்றும்? (பிள்ளைகள் + பிள்ளைகளின் பிள்ளைகள் எண்ணிக்கை) நூற்றுக்கும் குறைவு. ஆனால் அதே ஒரு நெல் விதை 10000க்கும் மேற்பட்ட உயிர்களைக் கொடுக்கும். ஒரு நெல்லைக் உணவிற்காகக் கொல்வதால் இவ்வவளவு உயிர்களும், ஏன் அதன் சந்ததிகளும் மாய்ந்து போகும்!

 மேலும் கோழியை உண்பதால் வளிமண்டலத்திற்கு எந்த பாதிப்பும் இல்லை, இன்னும் சொல்லப்போனால் அவைகள் சுவாசிக்கும்போது வெளியிடும் CO2 இருக்காது. இது வளிமண்டலத்தில் உள்ள CO2வைக் குறைக்கும். அதே தாவரங்களை உண்பதால் CO2 அளவு அதிகரித்து சுற்றுச்சூழல் மாசு ஏற்படுகிறது.

 எனவே இன்றுமுதல் ஆடு, கோழி இவற்றையே உண்போம் - தாவரங்களைப் பாதுகாப்போம்! GO GREEN.

 பத்து வருசமா என் நெஞ்சில இருந்ததை எல்லாம் உங்ககிட்டே சொல்லிட்டேன் இப்போ நீங்களே சொல்லுங்க எது சைவம்? எது அசைவம்?

டிஸ்கி : இது காமெடிப் பதிவுய்யா,  ஆனாலும் இப்போ மூளைல "டன்"னு ஒரு குழப்பம் வந்திருக்குமே?  வரணுமே....

Tweet