தலைவா - திரை விமர்சனம்.

  ஓட்டையான ரோடுகளைச் சரிசெய்ய வக்கில்லை, போகிற கரண்டை சரி செய்ய தெம்பில்லை, இலவசம் கொடுத்தே ஏமாற்றி வரும் அரசாங்கங்களுக்கு மக்கள் பிரச்சினைகளை எண்ணிப்பார்க்கக்கூட நேரமில்லை ஆனால் ஏதாவது சினிமாவை ரிலீஸ் ஆகாமல் முடக்குவதென்றால் அப்படியொரு ஆனந்தம். முதலில் காவலன், விஸ்வரூபம் இப்போது தலைவா.

  இந்தப்படத்துக்கு பாதுகாப்பு வழங்க முடியாதாம். பிறகு எதற்கு அரசாங்கம் நடத்த வேண்டும், ரிசைன் செய்துவிட வேண்டியதுதானே? ஒரு படத்தைக்கூட வெளியிட எங்களுக்கு வக்கில்லை அதனால் ரிசைன் செய்கிறோம் என்று சொல்லிவிட வேண்டியதுதானே?

  அரசாங்கம் தடை செய்யும் அளவுக்கு துளிகூட அரசியலோ, அரசியல் வசனங்களோ இல்லை. சத்தியராஜ் கேரக்டர் பெயர் அண்ணா. ஒருவேளை இதற்குத்தான் தடையோ என்ன எழவோ!

ரசித்த தெலுங்கு படங்கள் 1

ஆர்யா–2 (AARYA 2)

  ஒவ்வொரு சீனும் ரசிச்சு ரசிச்சு பார்த்த படம்னா அது இதான்! நம்ம எப்படி வீட்டுல நல்லவன் வேஷமும் உண்மைல தெள்ளவாரியாவும் நடிக்கிறோம்? அதை அப்படியே காட்டுவதுதான் இந்தப்படம். தெரியாம தம்மடிப்போம், தம்மடிச்சுட்டு வாயில ஸ்பிரே பண்றது, டாய்லட்ல சரக்கடிக்கிறது செம செம.

  அல்லு அர்ஜுன் நடிப்பு சான்ஸே இல்லை. இசை, டான்ஸ், பாட்டு என எல்லாமே ஒருசேர அருமை. காஜல் அகர்வால்கூட லிப்ட்ல லிப்ல கிஸ் சீன் இருக்குப்பா :-)

              

சேட்டை – டரியல் சினிமா விமர்சனம்.

ஆர்ர்ர்யா – யாருயா இந்தாளு? பிங்க் சொக்காய போட்டுகினு கடசி அஞ்சு படத்திலேயும் அதே பாட்டுக்கு அதே டான்ஸ் ஆடிகினு இருக்காரு?

அஞ்சலி : மாடர்ன் டிரெஸ்ஸ போட்டுகினு வந்தா- ப்பா! யாருடா இந்த பொண்ணு பேய் மாதிரி?

ஹன்சிகா! – டிரெஸ்ஸையும் தொப்பையயும் குறைச்சா மட்டும் பத்தாது, கொஞ்சமாச்சும் நடிக்கனும் கண்ணு. நைனா இந்த பொண்ணு பேசும்போதெல்லாம் எதோ பஞ்சாபி டப்பிங்க் படத்துக்கு வந்தமாதிரியே பீலிங்.

டைரு டக்டர்ர்ர்ரு : ஏப்பா கதைய செலக்ட் பண்ணும்போதே எதுக்கு பண்றோம்னு யோசிக்க வேணாமா? ஹிந்தில டெல்லி பெல்லி ஓடினதே பிட்டுக்காகவும், டபுள் மீனிங்குக்காவும் மட்டும்தான். தமிழ்ல ஒன்னும் இல்லாததற்கே படத்திக்கு சென்சார் கொடுக்க மாட்டனுவள். பின்னே பிட்டை எல்லாம் நீக்கிட்டு எடுத்தா? (ஏமாந்தது நானு). ஹிந்தி படத்தின் மிகப்பெரிய பிளஸ் “கருமி ராஜா, ஐ ஹேட் யூ” பாடல்கள். அதுவும் படத்தில் இல்லை.

படம் பார்த்த ஒரு ஹிந்திவாலா

மூஜிக் – : ட்ரெயின்குள்ளே உக்காந்துகினு பழைய ரேடியோ பொட்டில பாட்டு கேட்கற மாதிரியே ஒரு பீலிங்க். எல்லா பக்கத்திலிருந்தும் சொஈஈஈஈநனு ஒரு சவுண்டு. 40 நிமிஷம் அவ்வ்வ்!

கேடி பில்லா கில்லாடி ரங்கா - விமர்சனம் (Kedi Billa Killadi Ranga)

  OKOK படத்திற்கு பின் வந்திருக்கும் ஒரு முழுநீள நகைச்சுவைப் படம். விமல், சிவகார்த்திகேயன் நடிப்பு மனதில் ஒன்றவில்லை. சிலசமயம் "அது இது எது" செட்டுக்குள் இருப்பதுபோலவே ஒரு பீலிங். இவர்கள் சீரியஸான சண்டை போடுவதுகூட நமக்கு காமெடியாகவே இருக்கின்றது. சிவகார்த்திகேயன் அடுத்தடுத்த படங்களிலாவது கொஞ்சம் கதையுள்ள, நடிக்க வாய்ப்புள்ள படங்களைத் தேர்வு செய்வது நல்லது. இல்லையென்றால் விமல் நிலைமைதான் அவருக்கும்.

  படத்திற்கு போகும்முன்னரே சொன்னேன் "பரோட்டா சூரியின் நடிப்பு நல்லா இருக்குமென்று". நடந்ததும் அதுவேதான். வடிவேல் இல்லாத இந்த தருணத்தில் ஒரு கிராமத்து வெள்ளந்தியான காமெடி வைப்பதற்கு சூரிதான் மிகச்சிறந்த ஒரே சாய்ஸ்.

விஸ்வரூபம் – ஏமாந்தது நானு! அமெரிக்காவே கொதித்தெழு!

 "தராசோட விலை ஐயாயிரமா? அடேய் மோசம் போய்ட்டோமேடா! மோசம் போய்ட்டோமேடா! எவ்வளவு நாளா வியாபாரம் பண்றோம் நம்மள ஏமாத்திட்டானடா!"

 என்னது என் டயலாக்கை எல்லாம் இவன் பேசிட்டு போறான்? என்று முஸ்லிம் தலைவர்களைப் பார்த்து அமெரிக்கா கேட்க வேண்டியது, ஆனா இவங்க முந்திகிட்டாங்க! உதாரணமாய் படத்தில் ஒரு வசனம்

 “நாம அல்லாவுக்காகப் போராடுறோம், அமெரிக்கா ஆயிலுக்காகப் போராடுறது!”  நியாயமா பார்த்தா இந்த வசனத்திற்கு அமெரிக்காவுலதான் தடை பண்ணியிருக்கோணம்! பயலுக அவசரத்துல இங்க பண்ணிட்டாள்!

நிறைய வசனங்களில் கமல் டச்!

 கமலை அடிக்கும்போது “கிருஷ்ணா” னு கத்துகிறார். “நீ முஸ்லிமா இருந்துகிட்டு கிருஷ்ணானு கத்துறே?” என்கிறான் தீவிரவாதி, அதற்கு கமல் “சரி அல்லா” என கத்துகிறார்.

 கமல் மற்றும் அவர் உதவியாளரால் தவறுதலாய் ஒருவருக்கு மரணதண்டனை நிறைவேற்றப்படுகிறது. அப்போது கமல், “நம்மை அல்லா மன்னிக்கவே மாட்டார்.”

அதற்கு உதவியாளர், “நம்மையில்ல; உன்னை!”

விஸ்வரூபம் – நல்லவேளை எனக்கு மதம்பிடிக்கவில்லை!

  காஷ்மீரில் இரு ராணுவத்தினரின் தலையை துண்டித்து பாகிஸ்தான் ராணுவத்தினர் எடுத்துக்கொண்டு சென்றபோது அதை எதிர்த்து போராட்டம் நடத்தாத ஒரு தலைவர், ஹைதிராபாத்தில் மஜ்லிஸ் கட்சி எம்.எல்.ஏ.வான ஓவாஸி பதினைந்து நிமிடத்தில் 100 கோடி இந்துக்களை கொன்றுவிடுவேன் என்று சொல்லும்போது எதிர்த்து போராட்டம் நடத்தாத ஒருவர் (ஆனால் அன்றே தன் எதிர்ப்பைக்காட்டி சமுதாயத்திற்கு தான் ஒரு உதாரணம் எனக் காட்டினார் அப்துல் கலாம்) விஸ்வரூபம் என்ற ஒரு சினிமாவில் ஆப்கானிஸ்தானில் தீவிரவாதியாக ஒரு முஸ்லீமை காட்டியதற்காக எதிர்க்கிறார். உடனே இதை ஆதரித்து ஒரு சாரரும், எதிர்த்து ஒரு சாரரும் சமூக வலைத்தளங்களிலும், இணைய தளங்களிலும் ஒருவரை ஒருவர் தாக்கிக் கொள்கின்றனர். இவர்களில் யாருமே படத்தைப் பார்க்கவில்லை, படத்தில் என்ன இருக்கிறதென்று தெரியாது, ஆனாலும் எதிர்ப்போம்/ஆதரிப்போம். இதை ஒரு இந்து/முஸ்லிம் பிரச்சினையாக மாற்றியதில்தான் அரசியல்வாதிகளின் சாதுர்த்தியம் ஒழிந்திருக்கிறது.

  இதைவிட ஒரு காமெடி என்னவென்றால் ஒருவர் இப்படிக் கமெண்ட் எழுதினார். “இந்தப்படத்தில் ஐயர் அசைவம் சாப்பிடுவது போல் காட்டியிருக்கிரார்கள் அதனால் படத்தை தடை செய்ய வேண்டும்” இதற்கு எங்கே போய்முட்டிக் கொள்வதென்றே தெரியவில்லை.

  இதைவிட ஆச்சரியம் என்னவென்றால் இவர்கள் சொன்ன உடனே அரசு பட வெளியீட்டை இரண்டுவாரம் தள்ளிவைத்துவிட்டது. தொலைக்காட்சி உரிமைதான் விஜய் டி.விக்குப் போய்விட்டதே? இப்படி வெளியீட்டை தமிழக அரசு தடை செய்ததுதான் இன்றைய இத்தனை பிரச்சினைகளுக்கும் அஸ்திவாரம். 

கார்த்தி vs வெங்காயம்

• பருத்தி வீரன் - தி பெஸ்ட்
• ஆயிரத்தில் ஒருவன் - பெஸ்ட்
• பையா - சூப்பர்
• நான் மகான் அல்ல - சூப்பர்
• சிறுத்தை - சங்கு
• சகுனி - கொடூரம்
• அலெக்ஸ்பாண்டியன் - மஹா கொடூரம்

   இப்பொழுது ஒரு முழுவெங்காயத்தை எடுத்துக்கொள்ளுங்கள், பருத்திவீரனிலிருந்து ஒவ்வொரு படத்திற்கும் ஒரு தோலை உரிக்கவும், இப்போ என்ன மிச்சம் இருக்கிறது???

2012 டாப் 10 தமிழ் திரைப்படங்கள்!

10. காதலில் சொதப்புவது எப்படி?

  காதல்ல சொதப்புவது எப்படின்னு நம்மல்ல எல்லோருக்குமே தெரியும். குறைந்தது 3/4 பேரிடமாவது சொதப்பி இருப்போம். அந்த அனுபவத்தையெல்லாம் சேர்த்து படமாய்க்கொடுத்தால் படம் ஓடாமலா இருக்கும்?

9. வழக்கு எண் 18/9

  பார்த்த எல்லாரும் பாராட்டியும் யாருமே தியேட்டருக்குப் படம் பார்க்க போகலை! அதனால படத்தைத் தியேட்டரைவிட்டு ஓட்டிவிட்டார்கள். கிளைமாக்ஸ்ல ஒரு குத்துப்பாட்டு வையுங்கையான்னா கேட்கிராங்களா? – தெலுகு ரசிகன்

ரஜினி ஜோக்ஸ் - பிறந்தநாள் ஸ்பெஷல்

ரஜினி பிறந்த நாளான இன்று 12-12-12 சில ரஜினி ஜோக்ஸ்.!

• ரஜினி  புட்பால் விளையாடும்போது சைடுல உதைக்கிறதுக்குப் பதிலா மேல உதைச்சதுதான் நிலா! கோல் ஆகமா மேல போனதுதான் வெள்ளி!

• முதன்முதலா பூமில பகல் மட்டும்தான் இருந்துச்சு, ஒரு நாள் அசதில ரஜினி கண்ணமூடி தூங்கிட்டார் - அன்றிலிருந்துதான் இரவு/பகல் ஆரம்பிச்சுது

• ஒலிம்பிக் ஓட்டப்பந்தயத்தில வழக்கம்போல ரஜினிதான் மொதல்ல வந்தார். ஆச்சரியம் என்னன்னா லைட்டே அவருக்கு பின்னாடிதான் வந்தது.

• ரஜினி கார்ல போகும்போது முன்னாடிபோன பஸ்ல மோதிட்டார். அந்த பஸ் முன்னாடி இருந்த இன்னொரு பஸ்ல மோதி இப்படியே லைனா இருந்த 10 பஸ்களும் மோதி நின்னுச்சு. அப்படி உண்டானதுதான் ரயில்!

துப்பாக்கி - கோட்டை விடப்பட்ட லாஜிக்குகள்!

  துப்பாக்கி படம் ரிலீஸ் ஆகி வசூலில் பட்டையைக் கிளப்புவது நம்ம எல்லோருக்கும் தெரியும். ஏற்கனவே துப்பாக்கி பட விமர்சனம் கொடுத்திருந்தோம். இப்போ அதில் கோட்டைவிடப்பட்ட லாஜிக்குகளைப் பார்ப்போம்.

• விஜய் வீட்டிலிருந்து தப்பிக்கும் தீவிரவாதியைப்பற்றி தன் 12 நண்பர்களுடன் விவரிக்கும் விஜய் தமிழில் விவரிக்கிறார். வட இந்தியர் மற்றும் சிங்குகளுக்கெல்லாம் எப்படித் தமிழ் தெரியும்? (வேறு இடங்களில் ஆங்கிலம்/ஹிந்தி கொடுத்துததுபோலவே இங்கும் கொடுத்திருக்கலாம்)

• படத்தின் முக்கிய இடமான விஜயும் அவரது 12 நண்பர்களும் தீவிரவாதிகளைக் கொல்ல பிரிவது அப்பட்டமான லாஜிக் மீறல். விஜயின் கூற்றுப்படி ஒருவன் இன்னொருவனை சந்திப்பான் அப்போது 12 பேர் 6,6 பேராக பிரிந்து இருவரையும் பின்தொடர வேண்டும். (1:12) பிறகு (1:6) (1:6) பின் (1:3) (1:3) (1:3)(1:3) இதற்குமேல் அவர்கள் சந்திக்கும் ஒவ்வொருவரையும் எப்படி தொடர முடியும்? அப்படித் தொடரும்போது ஒருவர் ஒரு தீவிரவாதியையும், மற்ற இரண்டுபேர் இன்னொரு தீவிரவாதியையும் தொடர்கிறார்கள். 2 பேர் தொடரும் தீவிரவாதி யாரையும் சந்திக்காமல் ஒருவர் மட்டுமே தொடரும் அந்த ஒரு தீவிரவாதி இன்னொரு தீவிரவாதியைச் சந்தித்தால் பின் தொடர ஆளில்லையே?மொத்தம் 4 குரூப்பில் எப்படியும் இது மாறிப்போய்விடுமே? (நமக்கு கடைசியாக 1:1 வர வேண்டும். 8 இடத்தில் பாம் வைப்பதாகக் கொண்டிருந்தால் மட்டுமே இது சரியாக வரும்)

துப்பாக்கி சினிமா விமர்சனம்

  இது விஜய் படமா? படம் தொடங்கின உடனே நமக்கு இந்த சந்தேகம் வந்திடும். ஒரு ஓபனிங் சாங் இல்லை, யார் அடுத்த ரஜினின்னு தீர்மானிக்கிற பஞ்ச் டையலாக் இல்லை, வழக்கமா வந்து செத்துப்போற தங்கச்சி சென்டிமென்ட் இல்லை.

   படத்தின் பிளஸ் விஜயின் நடிப்பு, போக்கிரிக்குப் பிறகு நல்ல ஆக்சன் கதையுடன் ஒரு படம். மிகப்பெரிய பிளஸ் பரபரப்பான திரைக்கதையும், ஒளிப்பதிவும்தான்.

துபாய் இசை இன்பம் - பார்த்திபன் சொன்ன ஜோக்ஸ்

 துபாயில் அனுகிரஹா ஸ்டார்ஸ் வழங்கிய இசை இன்பம் நிகழ்ச்சியில் நடிகர் பார்த்திபன் பாடகர்கள் மனோ, பென்னி, முகேஷ் மற்றும் பலருடன் சேது நிகழ்ச்சியை கலகலப்பாய்த் தொகுத்து வழங்கினார். வழக்கம்போல 15 நிமிடம் தாமதமாக நிகழ்ச்சியைத் தொடங்கினர். இந்தியனாச்சே! 

நடிகர் பார்த்திபன் சொன்ன ஜோக்ஸ் மட்டும் இங்கே.!

LKG பையன் 1 : டேய் என்னை ஒரு சப்ப பிகர் அடிச்சிட்டாடா

LKG பையன் 2 : மிஸ்கிட்டே கம்பிளைன்ட் செய்ய வேண்டியதுதானே?

LKG பையன் 1 :அடிச்சதே அந்த மிஸ்தாண்டா

தாண்டவம் சினிமா விமர்சனம் – விக்ரம், அனுஷ்கா மற்றும் பலர்.

  முதலில் தமிழ் இயக்குனர்கள், நடிகர்கள் மற்ற கலைஞர்கள் எல்லோருக்கும் ஒருமுறை சுத்திப்போட வேண்டும். இப்போதெல்லாம் ஒவ்வொரு படமும் சிறப்பாகக்கொடுத்து மோசம் என்று சொல்வதே அரிதாகிவிட்டது.

  தாண்டவம் – முதல்பாதி விறுவிறுப்பு+கலகலப்பு. இரண்டாவது பாதி ஓகே. மொத்தத்தில் கண்டிப்பாக ஒருமுறை பார்க்கவேண்டிய படம்.

கதை:

  சர்ச்சில் பியானோ வாசிக்கும் கண்பார்வையற்ற விக்ரம், மற்ற நேரங்களில் எங்கோ போய் கொலை செய்துவிட்டு வருகிறார். அவர் போகும்போதெல்லாம் சந்தானம் டாக்ஸியில் போவதும் போலீஸ் சந்தானத்தை பிடித்து விசாரிப்பதும், சந்தானம் போலீஸ் ஆபீசர் நாசரை கலாய்ப்பதும் செம! மிஸ்.இங்கிலாந்து ஆக முயற்சிக்கும் எமி ஜாக்சன் சர்ச் வருகிறார். விக்ரமை காதலிக்கிறார். நான்காவது கொலையை செய்ய முயற்சிக்கும்போது போலீஸ் வந்துவிடுகிறது. – இடைவேளை!

  பிளாஷ்பேக் - இந்தியாவின் ராணுவ ரகசியங்கள் அடங்கிய மாப்(வரைபடத்தாள்) ஒன்று பார்சலில் லண்டன் போகிறது. அதை வைத்து நாலே மணிநேரத்தில் குண்டு வெடிக்க வைக்க முடியுமென்பதால் அதைத்தேடி ரா ஏஜன்ட் சிவா (விக்ரம்) லண்டன் போகிறார். ஆனால் போன இடத்தில் விக்ரமின் நண்பரே (ரா ஏஜன்ட்) பணத்திற்காக வரைபடத்தாளை தீவிரவாதிகள் கைக்கு கொடுத்துவிடுகிறார். குண்டு வெடித்து விக்ரம் மனைவி அனுஷ்காவும், நண்பர் கென்னியும் இறந்துவிடுகிறார்கள். விக்ரமிற்கு கண்பார்வை போய்விடுகிறது. கண்பார்வை போனபின்பு இவர்களை எப்படி பலி வாங்குகிறார் என்பதே கதை.

சுந்தர பாண்டியன் - BLOCKBUSTER சினிமா விமர்சனம்

 சுவாரஸ்யம் சுவாரஸ்யம் சுவாரஸ்யம்...

 படம் தொடக்கம் முதலே நம்மைத் தொற்றும் சுவாரஸ்யம் கிளைமாக்ஸ்வரை விலகாமல் கொடுத்த இயக்குனருக்கு ஒரு ஓ! இடைவேளை வரைக்கும் ஒரே காமெடி, கலாய்த்தல், காதல். அதன்பின் இறுதிவரை ட்விஸ்ட், ட்விஸ்ட், ட்விஸ்ட்.

 சூரி. வடிவேலு இல்லாத குறையை போக்குகிறார். முதல்பாதி முழுதும் அவரது நக்கல்களில் சிரிக்காத ஆளே இல்லை, காட்சிக்கு காட்சி கைதட்டல். சில மாதங்களுக்கு ஊரெல்லாம் இவர் டையலாக் முனுமுனுக்கும். இந்த வருடத்தின் சிறந்த நகைச்சுவை நடிகர் விருது கிடைக்கலாம் :-)

 சசிக்குமார் - வழக்கம்போல செம. ஒரு தயாரிப்பாளரின் வெற்றி என்பது தேர்வு செய்யும் கதையிலேயே உள்ளது என்பதை மீண்டும் நிருபித்திருக்கிறார்.

 லட்சுமி மேனன் - கண்ணு மீனு மாதிரி. முறைத்தல், குறும்புத்தனம், நடிப்பு அடடா தமிழ் சினிமாவுக்கு நடிக்கிற ஒரு நடிகை கிடைச்சிட்டாங்க :-)

நடிப்பு: சசிகுமார், லட்சுமி மேனன், சூரி

தயாரிப்பு: சசிகுமார்

இயக்கம்: பிரபாகரன்

காமத்துப்பால்

உள்ளக் களித்தலும் காண மகிழ்தலும்
கள்ளுக்கில் காமத்திற் குண்டு.

சந்தானம் உரை:

மச்சா உனக்கு குவாட்டர் அடிச்சாதான் போதை, ஆனா நீ மூடியை மோந்து பார்த்தாலே போதையாய்டுவ அது வேற விஷயம். ஆனா என் ஆளு அம்முக்குட்டி, செல்லக்குட்டி, ஜாங்கிரிய நினைச்சாலே போதை;  அவளைப் பார்த்தாலே போதை! ம்ம்மா!

உடம்பொடு உயிரிடை என்னமற் றன்ன
மடந்தையொடு எம்மிடை நட்பு.

சாலமன் பாப்பையா உரை: 

உயிர் உடலை பிரியுமாய்யா? உடல்தான் உயிர பிரியுமாய்யா? அப்படி பிரிஞ்சுதான் இருக்க முடியுமாய்யா? முடியாது. அந்த மாதிரிதான் என் காதலியும், அவளை பிரிஞ்சு என்னால இருக்க முடியாது.

அபோகாலிப்டோ - பார்க்கவேண்டிய படம் +18 only! Apocalypto watch movie online

  இந்த படத்தைபற்றி சொல்வதைவிட படத்தைக்  கீழே பார்த்துவிட்டு வாருங்கள்.

  படத்தின் காலம் மாயா நாகரிக அழிவின்போது நடக்கும் கதை. மாயா நாகரிகம் என்பது 4000 ஆண்டுகளுக்கு முன்புமுதல் இப்போதைய வட அமெரிக்காவின் மெக்ஸிகோ நாட்டின் சுற்றுவட்டாரத்தில் தோன்றிய நாகரிகம். படத்தின் மொழி மாயன் மொழி. (WITH ENGLISH SUBTITLES). இந்தப்படத்திற்கு மொழி புரிய வேண்டிய அவசியமில்லை.

கதை:

மாயன் நாகரிக அழிவின்போது, புதிய கோவில் கட்டி கடவுளுக்கு மனிதர்களைப் பலி கொடுத்தால் தங்கள் பஞ்சம் தீர்ந்துவிடுமென தீர்மானித்து ஒரு காட்டுக்கு போய் அங்கு வேட்டையாடி பிழைத்துக்கொண்டிருக்கும் ஒரு கிராமத்தையே பிடித்துக்கொண்டு வருகிறார்கள். அதில் நாயகன் ஜாகுவார் பாவும் சிக்கிக்கொள்கிறான், அதிலிருந்து அவன் மீள்கிரானா? இல்லையா? என்பதே கதை. 

முக்கிய குறிப்பு :

  படத்தில காட்டப்படுபவை அனைத்தும் ஒரிஜினல். அத்தனை மக்களும், ஆடை அலங்காரமும், (ஆடை எங்க இருக்குது?) துரத்தும் கருப்பு சிறுத்தைப்புலி உட்பட எல்லாமே ஒரிஜினல். ஒரிஜினல் சிறுத்தைப்புலியை துரத்தவிட்டு எடுத்திருக்கிறார்கள். படத்தில் நடிப்பவர்கள் அனைவரும் ஒரிஜினலாய் இருக்கவேண்டுமென்று மாயன் இனத்தைச் சேர்ந்தவர்களையே தேடிப்பிடித்து போட்டிருக்கிறார் இயக்குனர். இத்தனை பேருக்கு உடை அலங்காரம் நினைத்துக்கூட பார்க்கமுடியவில்லை.

  இந்த படத்தை பார்த்துவிட்டு இதை எப்படி எடுத்திருப்பார்கள் என்று நீங்கள் வியாக்காமலிருந்தால் அதுதான் வியப்பு.

Directed by - Mel Gibson

Starring -  Rudy Youngblood, Raoul Trujillo, Mayra Sérbulo

Music by - James Horner

ஏக் தா டைகர் சினிமா விமர்சனம் – சல்மான் கான், கத்ரீனா கைப் Ek Tha Tiger Review

  ஒவ்வொரு வருடமும் ஈத் சிறப்பாக சூப்பர் ஹிட் திரைப்படங்களைக்கொடுக்கும் சல்மான்கானின் (Wanted, Dabangg, Ready, Bodyguard) வரிசையில் இந்த வருட ஆக்சன் த்ரில்லர் திரைப்படம் Ek Tha Tiger.

நடிப்பு : Salman Khan, Katrina Kaif                                                                                                                                                                    இசை : Sohail Sen 
இயக்கம்: Kabir Kha 
தயாரிப்பு : Aditya Chopra

கதை :

  இந்திய உளவுத்துறை ஏஜண்டும் பாகிஸ்தான் ஏஜண்டும் காதலித்து ஓடிப்போகிறார்கள்! அவர்களைக் கொல்ல இரண்டு நாடுகளும் துரத்துகின்றன. இந்த ஒருவரிதான் கதை (இது உண்மையாக நடந்ததாம்!)

பில்லா 2 திரை விமர்சனம்! - Ajith Billa 2 Movie Review

  ரஜினிக்கு பிறகு ஒரு நடிகரின் படத்திற்கு நல்ல ஓபனிங் இருக்குமென்றால் அது அஜித் மட்டும்தான்! ரசிகர்கள் என்பதைவிட "தல" வெறியர்கள் என்பதுதான் பொருத்தமாய் இருக்கும்! படம் ஓடுதோ இல்லையோ என்பது வேறு விஷயம்! எப்படியும் உங்களுக்கு ஒரு வாரத்திற்கு டிக்கெட் கிடைக்காது!

  துபாயில் விசில், ரகளை என அனைத்துமுடன் இந்தியாவில் வெளியாவது போல் ஒரு படம்  வெளியாகிரதென்றால் அது அஜித் படம் மட்டும்தான்! படத்திற்கு இரண்டு மணி நேரத்திற்கு முன்னமே வெளியில் காத்திருந்து - கூட்டமென்றால் அப்படியொரு கூட்டம், முக்கியமாக இலங்கைத் தமிழர்களில் முக்கால்வாசிப்பேர் அஜித் ரசிகர்கள் என நினைக்கிறேன்.!

  

கதை:

  பில்லா படத்தின் முன்பாகம்! அதாவது டேவிட் எப்படி பில்லாவாக மாறினார் என்பதே கதை. இலங்கை அகதியாக இந்திய எல்லைக்குள் நுழைவது முதல், சிறுசிறு கடத்தல் தொழில் ஈடுபட ஆரம்பித்து கடைசியில் மிகப்பெரிய டானாக மாறுகிறார். எதிரில் வரும் அனைவரையும் போட்டு தள்ளுகிறார். போலீஸ், ரவுடி, அரசியல்வாதி, மற்ற டான்கள், என எல்லோரையும் குருவி சுடுவதுபோல் சுட்டுத் தள்ளுகிறார். படம் முழுதும் ரத்தம்! ரத்தம்!! ரத்தம்!! அஜித்தின் நடிப்பு நன்றாய் இருக்கிறது.

கத்ரீனாவுடன் கட்டிப்பிடித்து பாட்டு பாட வேண்டுமா?

 இந்த மாதிரி கத்ரீனாவை கட்டிபிடித்து ஒரு சீன் வேணும்னா நமக்கு முதல்ல தேவை ஒரு பாட்டு! அப்புறம் இசை! எல்லாமே ரெடி!

  வழக்கம்போல ஒரு பாட்ட டப்பிங் பண்ணுவோம்! இந்த பாட்டுல வர்ற மாதிரியே பாடனும் சரியா? (இசை : Shankar–Ehsaan–Loy)

                                                       

உடல்ல்ல் உயிரென உறவென கலந்தாய் நீயே!

உயிர்ர்ர் கனவென நினைவென நிறைந்தாய் நீயே!

ஓஹோ! இது இன்னும் தொடரட்டுமே!

சூப்பர் ஸ்டார் விஜய் – ரஜினிக்கு வந்த சோதனை

 தலைவர், இளைய தளபதி, டாக்டர் ஆகியவற்றிற்கு சொந்தக்கார விஜய் அவர்கள் சிறப்புத் தோற்றத்தில் நடித்து மன்னிக்கவும் ஆடி வெளிவந்த ஹிந்திப்படம் ரவுடி ரத்தோர். இது தமிழ் சிறுத்தை படத்தின் ரீமேக்.

 இந்த ரவுடி ரத்தோர் படத்தின் இயக்குனர் பிரபுதேவா கேட்டுக்கொண்டதற்கிணங்க பாடலுக்கு அக்சய் குமார் மற்றும் பிரபுதேவாவுடன் அவர் ஆட வரும்போது அக்சய் குமார் பிரபுதேவாவிடம் சொல்கிறார் “பிரபு, சூப்பர் ஸ்டார் விஜய்”

 ஒரு குரூப்பே தான்தான் அடுத்த சூப்பர் ஸ்டார் என சொல்லிக்கொண்டிருக்கும் வேளையில் இப்போதைய சூப்பர் ஸ்டாரே விஜய்தான் என்பது நமக்கெல்லாம் தெரியாமல் போய்விட்டது. போங்கப்பா போய் பேனர் ஓட்டுற வேலைய பாருங்கப்பா “சூப்பர் ஸ்டார் விஜய்”