நிலாப்பெண்ணுக்கு: இலங்கை

கிரிஸ் கெயிலாக மாறிய ஜெ! அத்தனையும் சிக்ஸர்!

பந்து கமெண்டரி:

"இலங்கையில் இறுதிப்போரின்போது இலங்கை அரசு ராணுவத்தைப் பயன்படுத்தி, பாதுகாப்பற்ற சூழ்நிலையில் இருந்த தமிழ் மக்களை இனப்படுகொலை செய்தது, இலங்கை கடற்படையினரால் தமிழக மீனவர்கள் தாக்கப்படுகின்றனர். இதையெல்லாம் கண்டித்து மாணவர்கள் உள்ளிட்ட பல்வேறு பிரிவினர் உண்ணாவிரதம், தீக்குளிப்பு போன்ற போராட்டங்கள் நடத்தி வருகின்றனர். எனவே ஐபிஎல் கிரிக்கெட் போட்டிகளில் இலங்கை வீரர்கள், இலங்கையின் நடுவர்கள், களப் பணியாளர்கள் என யாரும் தமிழகத்தில் விளையாட அனுமதிக்கக் கூடாது" என்று பிரதமருக்கு தமிழக முதல்வர் ஜெயலலிதா கடிதம் அனுப்பினார்.

எடுக்கப்பட்ட ரன்கள்:

1. IPL தொடங்கும் இந்த சமயத்தில் போட்டியை வேறு இடத்திற்கு மாற்ற வாய்ப்பே இல்லை. ஜெ. என்ன சொன்னாலும் கேட்டுத்தான் ஆக வேண்டும். அதே போல IPL நிர்வாகம் இலங்கை வீரர்கள் சென்னையில் விளையாட மாட்டார்கள் என ஒத்துக்கொண்டது. நமக்கு பணந்தான் முக்கியம்! நாய் வித்தகாசு குரைக்கவா போகுது?

2. சென்னை அணி இரண்டு இலங்கை வீரர்களைப் மொத்த தொடருக்கும் புறக்கணித்தது எதிர்பார்த்ததுதான். அதனால் பெரிய இழப்பில்லை. ஆனால் அணிக்கு ரசிகர் ஆதரவு முக்கியந்தானே? சீனிவாசன் வாயாலயே சீனி விக்கிற ஆளாச்சே?

இறுதிப்போரும் கருணாநிதியும்!

ஈழப் போரை இலங்கையும், இந்தியாவும் இணைந்து நடத்தியதை அறிவோம். தமிழகமும் நடத்தியதை நீங்கள் அறிந்துகொள்ள வேண்டும். அன்றைய முதல்வர் திரு.கருணாநிதி, சிங்களப் படையின் தமிழகப் பிரிவு பிரிகேடியராகத்தான் நடந்து கொண்டார்.

எக்காரணத்தை முன்னிட்டும் தமிழகத்தில் பெரும் எழுச்சி ஏற்பட்டுவிடாமல் பார்த்துக் கொள்ளப்பட்டது. மாவீரன் முத்துக்குமார் இறுதி நிகழ்வில் கூடிய கூட்டம் வரலாற்றில் குறிக்கத்தக்கது. ஆயினும், அச்செய்தி ஊடகங்களில் பெரிதாக வெளிவராமல் தடுக்கப்பட்டது.

மாணவர் போராட்டங்கள் நாடெங்கும் நடந்தன. அவற்றின் தாக்கம் பொதுமக்களைத் தாக்கிவிடாமல், திரு.கருணாநிதி பல்வேறு நாடகங்களை நடத்தினார். திரு.கருணாநிதியின் முதுகுவலி, முல்லைத்தீவில் கொல்லப்பட்ட மக்களின் கதறலைக் காட்டிலும் வேதனைமிக்கதாக பெரிதுபடுத்தப்பட்டது. ’கொத்துக் குண்டுகள் வீசப்படுகின்றன’ என நாம் கதறியபோதெல்லாம், அவர் ‘சகோதர யுத்தம் நடத்தியவர்கள்தானே விடுதலைப் புலிகள்’ என்று அறிக்கை மேல் அறிக்கையாக வாசித்தார். அந்த நாட்களில் அவரால் ஏவப்பட்ட ஒடுக்குமுறைகள் இன்னும் கூட முழுமையாக வெளிவரவில்லை.

அந்த ஒடுக்குமுறைகளுக்கு நான் ஒரு சாட்சி.

எப்பத்தான் முடியும் இந்த இலங்கை நாடகம்?

2009 மட்டுமல்ல 2013லும் நாடகம் போடவேண்டுமென்றால் அரசியல்வாதிகள் இலங்கைப் பிரச்சினையை எடுத்துக்கொள்கிறார்கள்.

கொழும்புவில் ஸ்பைஸ்ஜெட் நிறுவனத்தின் அதி நவீன அலுவலகம் கட்ட இலங்கை அரசுடன் ஒப்பந்தம். சன் ரைசர்ஸ் ஹைதராபாத் அணிக்கு தலைவராக இலங்கை வீரர் ஒருவர் செயல்படுவார்.

அதாவது பேரன் ராஜபக்சே அரசுடன் வர்த்தகம் புரிவார், தாத்தா ராஜபக்சேவை போர்க்குற்றவாளியாக அறிவிக்க நம் நாட்டு அரசுடன் நாடகம் போடுவார்.

நேற்று விடுதலைப் போராளி! இன்று பாலியல் தொழிலாளி

வித்யா ராணி... 2009 மே வரை தமிழ் ஈழம் போற்றிய ஒரு பெண் போராளி. ஆனையிறவு முகாம் மீதான தாக்குதல் தொடங்கி 'ஜெயசிக்குறு எதிர் சமர்' என ஈழத்தின் பெரும் சமர்களிலும் பங்கெடுத்தவர்.

ஈழத்தின் இறுதி யுத்தம் முள்ளிவாய்க்கால் வரை களமாடிய போராளி. ஈழத்துப் பெண் புலிகளின் வீரத்தை உலகுக்குச் சொன்ன 'சோதியா படையணி'யின் முன்னணித் தளபதிகளில் ஒருவர்.

ஜான்சி ராணி, வேலு நாச்சியார் போன்ற வீராங்கனைகளுக்கு இணையாகத் தமிழ் ஈழத்தில் ஒரு காலம் புகழப்பட்ட வித்யா ராணி... கால வெள்ளச் சுழலில் இன்று ஒரு பாலியல் தொழிலாளி.

உங்களிடம் கருணை தேடியோ, பரிதாபம் ஈனவோ வித்யா ராணி இங்கு பேசவில்லை... 'இதுதானடா தமிழா... இலங்கையில் இப்போதைய நிலைமை!' என்று சில உண்மைகளை முகத்தில் அறையவே இந்தப் பேட்டிக்குச் சம்மதித்தார்.

எனது சொந்த ஊர் யாழ்ப்பாணம் வட்டுக்கோட்டை. 1995 ஜூலை மாதம் நாம் இடம்பெயர்ந்து நவாலியில் உள்ள தேவாலயத்தில் தஞ்சம் புகுந்து இருந்தோம். நவாலியை அண்மித்த பிரதேசங்களில் இருந்து சுமார் 500 பேரளவில் அங்கு தஞ்சம் புகுந்திருந்தோம்.

தூரத்துத் தெருநாய்கள்!

இரவிலும் அகோரமாய் ஒலிக்கிறது எங்கோ தூரத்திலிருக்கும் வெறிப்பிடித்த தெருநாய்களின் சப்தம். அந்தச் சப்தம் காதினுள் படும்போதே குலையெல்லாம் நடுங்கும், கைகள் உதறும். சுவற்றோரமாய் ஒண்டிக்கொள்கிறேன் நான்.

தனக்குப் பசி என்றால் யாரையும் கடிக்கும். தன் குடும்பத்திற்கு பசி என்றால் ஊரையே கொளுத்தும். தன் இச்சைக்குத் தன்னைத்தானே கற்பழித்துக்கொள்ளும். ஊரில் இருந்த எல்லோரையும் கடித்து வெறியேற்றிச் சாகடித்ததோடல்லாமல் அருகில் மிச்சமிருப்போரையும் தேடி அலைகின்றன.

இந்த நாய்களிடமிருந்து தப்பித்து எப்படியோ ஊர் கடந்து வந்துவிட்டோம். ஆனாலும் இன்னும் என் காதுகளில் அதன் கொக்கரிப்புச் சத்தம் ஒலித்துக்கொண்டே இருக்கிறது. ரத்தம் சொட்டும் அதன் கோரப்பற்களின் வெறித்தனம் இன்னும் என் கண்களைவிட்டு அகலவில்லை.

அரிய புகைப்படங்கள் - திருக்குறள் ஓலைச்சுவடி, பழைய சென்னை, கோவை, திருச்சி, திரிகோணமலை, நெல்லை

என் சிறுவயது முதல் (இப்ப ரொம்ப பெரிய வயசுன்னு நினைப்பு) தேடிய புகைப்படம் – திருக்குறளின் ஓலைச்சுவடி. இன்னும் பல நகரங்களின் முந்தைய தோற்றத்தின் பழைய புகைப்படங்கள் மன்னிக்கவும் பொக்கிஷங்கள். படங்களின் மீது கிளிக் செய்து பெரிதாய்ப் பார்க்கலாம்.

திருக்குறள் ஓலைச்சுவடி - Tirukkural photo

காமராஜர், ஜெயலலிதா மற்றும் பலர் - Kamraj & Jayalalitha

கோயம்பத்தூர் ரயில்வே - Coimbatore railway 1903

டாப் 10 பதிவுகள்! A JOKES, நகைச்சுவை, கதை, தத்துவம், அனுபவம், தமிழ், கவிதை,சுற்றுலா, கார்டூன்

நிலாப்பெண்ணுக்கு இணையதளம் ஆரம்பித்து ஓராண்டு நிறைவு பெறுவதை முன்னிட்டு இந்த வருடத்தின் சிறந்த பதிவுகள் சில!

நகைச்சுவைகள் TOP 5:

நகைச்சுவை கதைகள் TOP 5:

தொழில்நுட்பம் TOP 5

கலாய்த்தல் TOP 5 :

இந்தியா - கொலைகாரர்களுடன் எதுக்கிந்த நாறப்பொழப்பு?

சமீபத்திய சுஷ்மா ஸ்வராஜ் தலைமையில் சென்ற இந்திய எம்பிக்கள் சுதர்சன நாச்சியப்பன், என்.எஸ்.வி.சித்தன், கிருஷ்ணசாமி, மாணிக்கம் தாகூர் ஆகியோரும் அடங்கிய குழுவின் இலங்கைப்பயணம் (APRIL 17-21) இந்தியாவின் நாறப்பொழப்பை வெளிச்சம் போட்டு காட்டுகிறது. இவர்கள் எதற்கு போனார்கள் என்று இவர்களுக்கும் தெரியவில்லை, அனுப்பிய அரசாங்கமும் சொல்லவில்லை போலும்!

டக்லஸ் தேவானந்தா இந்தியாவில் தேடப்படும் ஒரு கொலைக்குற்றவாளி! அவரது அழைப்பினாலேயே யாழ்ப்பாணம் வந்ததாக திருவாய் மலர்ந்தருளினார் சுஷ்மாசுவராஜ். ஒரு கொலைக்குற்றவாளியுடன் போய் நிகழ்ச்சியைச் சிறப்பித்துவிட்டு வந்திருக்கிறார்! ஒருவேளை காந்தியைக் கொன்ற கோட்சே உயிரோடிருந்து அவர் அழைத்தாலும் அவருடன் போய் உணவருந்தி சிறப்பித்துவிட்டு வந்திருப்பர் நம் இந்திய அரசியல்வியாதிகள்!

இதைவிட காமெடி என்னவென்றால் அதிகாலையில் விழித்து யாருக்கும் தெரியாமல் குழுவின் தலைவி ராஜபக்சேவுடன் காலைச்சிற்றுண்டி (சிலோன் பரோட்டா) உணவுண்டுவிட்டு வந்திருக்கிறார்!

சோகம் என்னவென்றால் இந்தக்குழு பாதிக்கப்பட்ட எந்தவொரு தமிழர்களையோ அல்லது முள்வேலி முகாம்களையோ பார்வையிடவில்லை! மாறாக புதிதாய் திறக்கும் மருத்துவமனை திறப்புவிழா நிகழ்ச்சியில் பங்கேற்பதையும், இந்திய அரசால் கட்டப்பட்ட ரயில்வே தண்டவாளம் ஒப்படைக்கும் நிகழ்ச்சியில் பங்கேற்பதையும், அரசியல்வாதிகளைச் சந்தித்து அவர்களைப் பாராட்டுவதையுமே முழுப்பணியாக செய்துவிட்டு திரும்பியிருக்கிறது!

கலைஞர் சாதனை - அமெரிக்காவைக் காப்பாற்றினார்!

3 மணிநேரம் உண்ணாவிரதம் இருந்து சாதனை படைத்த உயர்திரு, மேன்மைமிகு, தலைவர், கலைஞர் கருணாநிதி அவர்கள் இப்போது உண்ணாவிரதம் இருக்காமலே தனது உண்ணாவிரதத்தை முடித்த புதிய சாதனை ஒன்றைப் படைத்துள்ளார்!

கடந்த 2009 ஆண்டில் இலங்கையில் நடைபெற்ற இறுதிப்போருக்காக 3 மணிநேரம் உண்ணாவிரதம் இருந்து 2 லட்சம் தமிழர்கள் உயிரைக் காப்பாற்றினார்!

இப்போதோ அதையும் விஞ்சி ஐ.நாவில் அமெரிக்கா கொண்டுவந்த இலங்கைக்கு எதிரான தீர்மானத்தை இந்தியா ஆதரிக்க வேண்டுமென்று கூறி உண்ணாவிரதம் அறிவித்தார். பிரதமரும் அந்த தீர்மானம் என்னவென்று தெரியவில்லை ஆனாலும் ஆதரிப்போம் என்று கூறியுள்ளார். (இதுக்கும் தெரியலதான்!) இதனால் அறிவித்த உண்ணாவிரத பந்தலுக்குக் கூட செல்லாமல் உண்ணாவிரத்தத்தை முடித்து புதிய சாதனை ஒன்றை படைத்துள்ளார்!

இதன்மூலம் அமெரிக்காவுக்கு ஏற்பட்ட நெருக்கடியிலிருந்து அமெரிக்காவையே காப்பாற்றியுள்ளார்!

வடிவேலு ரோலில் மன்மோகன் சிங்!

நாளுக்கு நாள் நம்ம மன்மோகன்ஜியோட கேரக்டரும் சரி ரோலும் சரி வடிவேலு பாணில போய்க்கினே இருக்கு!

ராஜ்ய சாபாவில் நேற்று தமிழக எம்பிக்கள் கடுமையாக ஐ.நா சபையின் இலங்கைக்கு எதிரான தீர்மானம் குறித்து பிரதமர் மன்மோகன் சிங்கை நோக்கி கேள்விமேல் கேள்வி கேட்டனர். எதற்குமே திருவாளர் பதிலளிக்கவில்லை. எங்கேயோ, யாரோ பேசுவது போல காது இரண்டையும் பொத்திக்கொண்டு உட்கார்ந்திருந்தார்.

மைத்ரேயன் "தீர்மானத்தை ஆதரிக்கிறீர்களா, இல்லையா???" என்று பிரதமரின் முகத்துக்கு நேராகவே கேட்டார். அதற்கும் வழக்கம் போல காதையும் வாயையும் சாத்திக்கொண்டு மெளனம் காத்தார் திருவாளர் மன்மோகன். இப்போ இதை வடிவேலு ஸ்டைலில் பதில் சொல்லியிருந்தால்? (பேசறதே பெரிய விஷயம்! இதுல பதிலு வேறையாம்ல)

எம் கண்களிலிருந்து ரத்தம்! பாலச்சந்திரன் படுகொலை

சேனல் 4 வெளியிட்ட வீடியோவைப் பார்த்தவுடன் கண்களில் ரத்தம்தான் வருகிறது! வேறென்ன செய்யமுடியும நம்மால்? செய்ய வேண்டிய நேரத்தில் விட்டுவிட்டு!

அடேய் சிங்கள வெறி நாய்களே! நீங்கள் போரிட விரும்பினால் போராளிகளுடன் போரிட்டிருக்க வேண்டும், அதை விட்டுவிட்டு போயும்போயும் ஒரு பதினான்கு வயதுச்சிறுவன் கண்முன்னே நிர்வாணப்படுத்தி பலரைச் சுட்டுக் கொன்றுவிட்டு பின்பு அந்தச் சிறுவனையும் துப்பாக்கியால் ஐந்துமுறை......(எனக்கு இதற்குமேல் எழுதத் தெரியவில்லை)

“என்னை விட்டுட்டு போயிட்டியே” கதறி அழுபவர்களின் அழுகைக் குரல் இன்னும் நம் காதுகளில் ஒலிக்கிறது! இன்னும் இதுபோல் எத்தனை பேரைக் கொன்றார்களோ?

இந்தியா என்றொரு பச்சைத்துரோகி! வெட்கம் கெட்ட தமிழர்கள்!

ஐ.நா. மனித உரிமை மாநாட்டில், அமெரிக்கா உள்ளிட்ட ஐரோப்பிய ஒன்றிய நாடுகள் கொண்டுவர உள்ள இலங்கை போர்க்குற்ற விசாரணைத் தீர்மானத்தை எதிர்க்கப் போவதாக இந்தியா கூறியுள்ளது! இதை ஆதரிக்க வேண்டும் என்று தமிழக முதல்வர் ஏற்கனேவே கோரிக்கை விடுத்திருந்தார். (ஒருவேளை ஜி-க்கு தமிழ்நாடு இந்தியாவின் மாநிலம் என்பது மறந்துவிட்டதோ என்னவோ? அல்லது தமிழ்நாட்டில் இருப்போர் எல்லாம் இந்தியர்கள் இல்லையா?)

ஐ.நா. மனித உரிமை மாநாட்டில் இந்தியப் பிரதிநிதி, இந்திய அரசின் நிலைப்பாட்டை விளக்கி வாசித்த அறிக்கையில், மனித உரிமை மீறல்கள் தொடர்பாக எந்த ஒரு நாட்டையும் குறிவைத்து தீர்மானம் நிறைவேற்றப்படக் கூடாது என்றும், அவ்வாறு தீர்மானம் நிறைவேற்றுவது பயன் தரத்தக்க பேச்சுவார்த்தைக்கும் இணக்கமான அணுகுமுறைகளுக்கும் எதிரானதாக அமைந்துவிடும் அதற்கு பதிலாக உலக அளவில் மனித உரிமை சூழல் குறித்து வரும் அக்டோபரில் ஐ.நா. மனித உரிமை மாமன்றத்தில் நடைபெறவுள்ள பொதுவான விவாதத்தில் இலங்கையைப் பற்றியும் விவாதிக்கலாம் என்று கூறியுள்ளார். இதை இணைய தளத்திலும் வெளியிட்டுள்ளது! இது இலங்கை போர்க்குற்ற விசாரணைத் தீர்மானத்தை எதிர்க்க போவதற்கான முதல் அறிகுறி!

சாவடிக்கிரானுகளே என்னைய - இலங்கை பேருந்து பயணம்

கண்டியிலிருந்து நுவேரேலியா (சீதை கோவில்) சென்றுவிட்டு மாலையில் திரும்பும்போது ஒரு பேருந்தில் ஏறி அமர்ந்தேன். ஏறும்போது தெரியவில்லை அது எமனின் வாகனம் என்று. அந்த பேருந்து பழைய அசோக் லேலேன்ட் மாடல். (எல்லாப் பேருந்துகளுமே அதான்). இருக்கைகள் எதுவுமே காலி இல்லாததால் டிரைவர் சீட்டின் பின்புறமிருந்த சீட்டில் அமர்ந்து கொண்டேன்!

பேருந்து கிளம்பியதான் தெரியும், வேகமேன்றால் அப்படியொரு வேகம் 100 எல்லாம் தாண்டிப்போய்க்கொண்டிருந்தது. சத்தமேன்றால் அப்படியொரு சத்தம். பிரச்சினை என்னவென்றால் செல்லும் தடம் மலை உச்சியிலிருந்து கீழிறங்க வேண்டும். அதில் நூறைத் தொட்டால்? இதில் கொண்டாய் ஊசி வளைவுகள் வேறு! அதிலும் வேகத்தைக் குறைக்கவே இல்லை. இந்த்தனைக்கும் ரோடு மிகவும் சிறியதுடன் அது இருவழிப்பாதை (Twoway).

முன்னால் செல்லும் அனைத்து வண்டிகளையும் பைக்கில் செல்வதுபோல் முந்தி சென்றார். வளைவுகளிலும் மற்ற பேருந்துகளை அதேபோல் முந்திச் சென்றார். ஒருவேளை அவிங்கப்பன் ரோடு போட்டிருப்பானோ? எனக்கு உச்சா வரும்போலிருந்தது! மூச்சு அடைத்து விட்டிருந்தது. வேகமாகச் செல்லும் வேனை முந்திச் சென்றார். பேருந்து ஸ்டாப்பில் நிறுத்தி பின் மீண்டும் சென்று அந்த வேனை முந்தினார். இப்படி இருபது தடவைக்கும் மேலிருக்கும்.

போரின் வலி!

கையின்றி

காலின்றி

அங்கங்கே சிதறிக் கிடக்கிறார்கள்

யாருமே உயிரின்றி!

உயிரெழுத்தில் தொடங்கினாலும்

உயிரற்றுப் போகிறது

அகதி!

சீதை சிறை வைக்கப்பட்டிருந்த கோவில் - அசோகவனம், நுவெரெலியா

இரண்டாயிரம் ஆண்டுகளுக்கு முன் இராவணன் சீதையைக் கடத்திக் கொண்டு போய், சிறை வைத்திருந்ததாகச் சொல்லப்படும் இடம்., இலங்கை நுவெரெலியாவிலிருந்து ஒரு ஆறு கிலோமீட்டர் தொலைவில் உள்ளது. பெரும் வனாந்திரமாகக் காட்சியளிக்கும் இந்தப் பகுதி முற்றிலும் மலைகளால் சூளப்பட்டது. அந்த மலைகளுக்கு நடுவே அமைந்துள்ள இக்கோவில் இந்திய வல்லுநர்களால் கட்டப்பட்டது. தமிழர்கள் மட்டுமல்லாது அனைத்து சிங்களவர்களும் வழிபாட்டுக்காக இங்கு வருகிறார்கள்.

இலங்கையில் விண்ணைத்தொடும் விலைவேசி!

இதை வாசி என்று எழுதினால் வெறுமனே வாசித்துவிட்டுப் போய்விடுவீர்கள் என்றுதான், விலைவேசி என்றால் இரண்டு, மூன்று முறை மேலும், கீழும் படிப்பீர்கள் என்று தெரியும்!

கண்டி பேருந்து நிலையத்திலிருந்து பின்னிவெல யானைகள் காப்பகம் செல்லும்போது (கொழும்பு பேருந்து), இந்த பின்னிவெல என்ற பெயரை சிங்களத்தில் உச்சரித்தால் மட்டும்தான் இலங்கையில் உள்ள அனைவருக்கும் புரியும் (தமிழர் தவிர). இந்த பெயரை கண்டுபிடிக்க எனக்கு அரை மணி நேரமானது.

இன்னொரு நல்ல விஷயம் என்னவென்றால் இலங்கையில் 95 சதவிகிதம் பேருக்கு ஆங்கிலம் தெரியாது. நீங்கள் ஏதாவது சொன்னாலும் புரியாது. ஊர் பெயரைக்கூட சிங்கள உச்சரிப்பில் சொன்னால்தான் புரியும். உங்களது இடம் வந்தால் கண்டக்டர்ரே வந்து உங்களை இறக்கி விட்டுவிடுவார். உங்கள் மேலுள்ள பாசத்தினால் அல்ல, இன்னும் இருந்தால் ஆங்கிலத்தில் பேசி கொலை செய்வான் என்றுதான். சரி கதைக்கு வருவம்!

பேருந்து கிளம்பி வெளியேவரும் சமயம் ஒரு பெண் ஏறினார், என் அருகே வந்து அமர்ந்தார். (பொண்ணுனாதான் நீ ஈஈனு பல்ல காட்டிருப்பியே!). வேறு எங்கும் இருக்கை காலி இல்லை. ஏதோ என்னிடம் அராபிக்கில் கேட்டார், பின்புதான் அது சிங்களமென்று தெரியும்.

“ஐ டோன்ட் நோ சிங்களா!” என்றேன்.

“இந்த பஸ் கொழும்புதானே போகிறது?” என்றார். எப்புடிதேன் கண்டுபிடிக்கிராங்கனே தெரிய மாட்டேங்குது, நாம் தமிழர் என்று! டேய் கேமரா எதாச்சும் வச்சு பார்க்குறீங்களா? ஸ்ஸ்ஸ்ஸ்!

(இன்னொரு முக்கியாமான விஷயம் தமிழன் எங்கு போனாலும் மத்த மொழிகளை கற்றுக்கொள்ள மாட்டான் அல்லது கற்றுக்கொள்ள விரும்பமாட்டான்! இந்தியா, துபாய், அரபிய நாடுகளில் இந்தி பேசாத ஒரு இந்தியன் என்றால் அது தமிழன்தான் (நானுந்தேன்). இலங்கையில் சிங்களம் பேசவில்லை என்றால் அது தமிழன். மலேசியா, சிங்கப்பூரில் மலாய் பேசவில்லை என்றால் அது தமிழன். த்தமிழேண்டா!)

புத்தர் பல் கோயில் - கண்டி

மதம் என்பனவற்றையெல்லாம் கடந்து, மனிதத்துவத்தை மேம்படுத்துவதற்காக உண்டான மதங்களுள் ஒன்று புத்தம். எல்லா புத்த கோயில்களை விடவும் கண்டியிலுள்ள இந்தக் கோவிலுக்கு என்று ஒரு தனிச்சிறப்பு உண்டு அது - 2500 ஆண்டுகள் பழமையான புத்தருடைய பல்லை இன்னும் பாதுகாப்பாக வைத்திருக்கிறார்கள். இன்னொரு முக்கியமான விடயம் இந்தப் பல்லுக்காக நூற்றுக்கணக்கான முறை அரசர்களுக்கிடையே சண்டையிட்டிருக்கிறார்கள் (புத்தர் இதையவாடா சொன்னாரு?)

மாவீரர்நாள் அறிக்கை 2011

தேச விடுதலை என்ற உயர்ந்த இலட்சியத்திற்காகத் தம்முயிரை அர்ப்பணித்தவர்களின் புனித நாள் காலச்சுழற்சியில் கலைந்துபோகாத, கனவுகளின் மெய்களாக எம் இதயங்களில் வாழும் தெய்வங்களை வணங்கும் திருநாள்.

தலைமைச் செயலகம், த/செ/ஊ/அ/08/11
தமிழீழ விடுதலைப் புலிகள்,
தமிழீழம்.
27/11/ 2011.

அன்பிற்கும் மதிப்பிற்கும் உரிய தமிழீழ மக்களே!

இன்று மாவீரர் நாள்.

தேச விடுதலை என்ற உயர்ந்த இலட்சியத்திற்காகத் தம்முயிரை அர்ப்பணித்தவர்களின் புனித நாள்.

காலச்சுழற்சியில் கலைந்துபோகாத, கனவுகளின் மெய்களாக எம் இதயங்களில் வாழும் தெய்வங்களை வணங்கும் திருநாள்.

தேவதையின் காவலர்களாக, சத்தியத்தின் மறைபொருளாக வாழ்ந்து வரலாறாகிவிட்ட எங்கள் மாவீரர்களைப் போற்றும் புனிதநாளே இந்த மாவீரர் நாளாகும்.

எமது மாவீரர்களின் சாவு சாதாரண ஒரு நிகழ்வுடன் முடிந்துவிடவில்லை. அவர்கள் இலட்சியத்திற்காக இறவாவரம் பெற்ற வீரமறவர்களாக வாழ்கின்றார்கள். எமது விடுதலைப்போராட்டத்தின் பெரும் சக்தியாகத் திகழ்கின்றார்கள். கொடிய எதிரிகளினது வல்வளைப்பினையும் கூட்டுச்சதிகளையும் எதிர்த்த பேராயுதங்களாக இருக்கின்றார்கள். எம்மினத்தின் இருப்பிற்கும் எமது இலட்சியப் பயணத்திற்கும் இயங்கு பொருளாக எம்முள்ளே வாழ்கின்றார்கள்.

இலட்சியத்தால் ஒன்றுபட்டு, இனமானத்தால் உந்தப்பட்டு, உலகெலாம் பரவி வாழும் தமிழர்களாகிய நாம் இந்நாளில் எங்கள் சத்தியவேள்வியின் நாயகர்களைத் தலைவணங்கிப் பூசிக்கின்றோம்.

எமது வீரமறவர்களை வணங்குகின்ற இப்புனித நாளில் அவர்களைப் பெற்றெடுத்து தாய்நாட்டின் விடுதலைப் போராட்டத்திற்காக உவந்தளித்த பெற்றோர்களையும் அவர்தம் குடும்பத்தினரையும் எங்கள் மனங்களில் நிறுத்திப் போற்றுகின்றோம்.

தமிழர் தாயகத்தில் எமது காவல் தெய்வங்களை நினைவுகூரும் நிகழ்வுகள் எவையும் வெளிப்படையாக நடாத்த முடியாத சூழ்நிலையே நிலவி வருகின்றது. மாவீரர் துயிலுமில்லங்களைத் துடைத்தழித்து, மக்களை இரும்புப்பிடிக்குள் வைத்திருப்பதனூடாக மாவீரர் நினைவுளை அழித்துவிட முடியுமென்று சிங்கள தேசம் கனவு காண்கின்றது. தாயகத்தில் மாவீரர் நாளை நினைவுகூர முடியாவிட்டாலும் தமிழர்கள் வாழும் புலம்பெயர்ந்த நாடுகளிலும் தமிழகத்திலும் பேரெழுச்சியுடன் நிகழ்வுகள் நடைபெறுகின்றன. நீறுபூத்த நெருப்பாகக் கனன்று கொண்டிருக்கும் எமது மக்களின் விடுதலை உணர்வை யாராலும் அழித்துவிட முடியாது என்பதை இந்நிகழ்வுகள் கட்டியங்கூறி நிற்கின்றன..

இலங்கையில் படம்காட்ட மாட்டாங்களாம்!

சமீபத்தில் இயக்குனர் சசிக்குமார் ஒரு பேட்டியில் - தமிழ்ப் படங்களுக்கு இலங்கை அரசு தடை விதிப்பதும், தணிக்கை செய்வதும் தொடர்கிறது. இலங்கையில் எனது படத்தை திரையிட அனுமதி தரமாட்டேன். இதற்கு சில தயாரிப்பாளர்களும், இந்து மக்கள் கட்சியும் ஆதரவு தெரிவித்திருந்தது.

தீபாவளிக்கு வெளியான 7ஆம் அறிவு படத்தில் தமிழர்களுக்கு ஆதரவான வசனங்கள் நீக்கப்பட்டன. இலங்கையின் இத்தகைய நடவடிக்கைகளுக்குத்தான் இயக்குனர் சசிகுமார் மேற்கண்டவாறு தெரிவித்திருந்தார்.

வசனம் :
“வீரத்திற்கும் துரோகத்திற்கும் வித்தியாசம் தெரிஞ்சிக்கோ, ஒரு நாட்டின்மீது ஒன்பது நாடுகள் சேர்ந்து போர் செஞ்சா அது வீரமல்ல; துரோகம்” – இந்த வசனம் நீக்கப்பட்டு வெளியிடப்பட்டது.

ஏன் இந்த வசனத்தில் துரோக நாடுகளின் பெயர் போட்டு இந்தியா என்று சொல்லியிருந்தால் இந்தியாவில் தணிக்கை செய்யாமல் இருந்திருப்பார்களா என்ன?? (ஏன் அதை முருகதாஸ் செய்யவில்லை??)

ஒரு அரசாங்கம் குறித்து யார் என்ன (தவறாக) சொன்னாலும் அது உண்மையாகவே இருந்தாலும் அதைத் தணிக்கை செய்வது இயல்பு.