நிலாப்பெண்ணுக்கு - தொகுதி 1
உன் உறங்காத கனவுகளோடு
நான் விழித்துக்கொண்டிருக்கிறேன்
உன்னைப்பற்றிய நினைவுகளோடு
பூக்களுக்கும் உனக்கும்
ஒரே ஒரு வித்தியாசம்தான்
நீ மட்டும்தான்
நடக்கும் பூ.
இரண்டாம் ஆண்டில் நிலாப்பெண்ணுக்கு, நீங்களும் பதிவு எழுதலாம் - (Guest Posts)
இன்றுமுதல் இரண்டாம் ஆண்டில்! ஆதரவளித்த
அளித்துக்கொண்டிருக்கும் சகோதர, சகோதரிகளுக்கும் நன்றி!
நீங்களும் எழுதலாம் - விருந்தினர் பதிவு:
நிலாப்பெண்ணுக்குன்னு பேர் வைத்துவிட்டு நான் மட்டும் பதிவிட்டால் எப்படி? நீங்களும் இலவசமாக பதிவிடலாம்!
பலருடைய வாழ்க்கையின் சொந்த அனுபவங்கள், நகைச்சுவைகள் எல்லோருக்கும் சென்று சேராமல் அவரிடமே அடைந்துபோய்விடுகிறது. அதை எல்லோருக்கும் கொண்டு சேர்க்கும் முயற்சியே இந்த நீங்களும் எழுதலாம்!
விதிமுறைகள்:
பலருடைய வாழ்க்கையின் சொந்த அனுபவங்கள், நகைச்சுவைகள் எல்லோருக்கும் சென்று சேராமல் அவரிடமே அடைந்துபோய்விடுகிறது. அதை எல்லோருக்கும் கொண்டு சேர்க்கும் முயற்சியே இந்த நீங்களும் எழுதலாம்!
விதிமுறைகள்:
- கண்டிப்பாக நீங்கள் எழுதியதாக இருக்க வேணும், இதுவரை வெளியாகியிருக்கக்கூடாது. தமிழில் எழுதியிருக்க வேண்டும் (ஏன்னா எனக்கு தமிழ் மட்டும்தான் தெரியும்)
- சுவாரசியமாக எதைப்பற்றி வேண்டுமானாலும் இருக்கலாம். உங்கள் லவரிடம் பல்பு வாங்கினது, காமெடி வசனம், காதல், திரைப்பட விமர்சனம், நீங்கள் எடுத்த குறும்பட வீடியோ, உங்கள் ஊர்த்திருவிழா புகைப்படங்கள், அரசியல் கூத்து, நகைச்சுவை, கதை, கவிதை என எதுவாய் வேண்டுமாலும் இருக்கலாம்.
- பிறர் மனதை புண்படுத்தாத வகையில் இருக்க வேண்டும் (நீயாடா இதை சொல்லுற?)
- பதிவுடன் உங்கள் பெயர், ஊர், பேஸ்புக் அல்லது ட்விட்டர் லிங்க் கொடுக்கவும். உங்களின் விபரத்தை வெளியிட வேண்டாமென்றால் அதுபற்றி குறிப்பிடவும்!
- பதிவுகளை அனுப்ப வேண்டிய முகவரி- nilavanban@nilapennukku.com
- தெரிவு செய்யப்படும் பதிவுகள் அனுப்பிய நாளிலிருந்து 10 நாட்களுக்குள் வெளியிடப்படும். பதிவு பிரசுரமாகாவிட்டால் என்னை வையக்கூடாது. (குழந்தையை திட்டிய பாவம் உங்களுக்கு எதற்கு?)
- வெளியாகும் பதிவுகளின் கமென்ட்களுக்கு நீங்களே பதிலளிக்கலாம். வெளியான உங்கள் பதிவுகளை தாராளமாய் உங்கள் ப்ளாக்கிலோ அல்லது பேஸ்புக்கிலோ நீங்கள் வெளியிட்டுக்கொள்ளலாம்.
என் காதல் அது நிலவின்மீது..
தண்ணீர் பிடிக்கச் சென்றேன்
குழாயில்
காற்று வரும்போது..
வானொலி கேட்க விரும்பினேன்
ஒலிபரப்பு
முடிந்த பின்பு..
ஓவியம் வரைய விரும்பினேன்
நான்
இதுவரை கண்டிராததை..
என் காதலும் அதுபோலத்தான்,
எட்டா
உயரத்திலிருக்கும் நிலவின்மீது...
தனிமை
துக்கமில்லை
தூக்கமும் இல்லை
ஏனெனில்
நானே இங்கில்லை!
பௌர்ணமியுமில்லை
அமாவசையுமில்லை
வளர்பிறையுமில்லை
தேய்பிறையுமில்லை
ஏனெனில்
என் நிலவே இங்கில்லை!
